Sjekkpunkt Tynset

Sjekkpunkt Tynset ligg på Nedby på vestsida av Glåma. Spanna kjem inn frå nordaust forbi tidtakar der det er kvittering inn og ut. Gjer så ein u-sving mot og langs Glåma ned mot oppstallingsområde. Det ligg halm i denne svingen som kan fraktast med ned til oppstallinga. Depotet ligg ved løypa ned mot oppstallinga om lag 100 meter frå oppstallingsplassen. Spanna blir plassert i vifteform på kvar side av ein breid innkøyringstrasé og fastgjort i nedfrosne tauglykkjer. Det blir teki hol på elveisen ved oppstallingsplassen for henting av vatn til hundane.

Spann som skal direkte til Tolga snur i u-svingen utan å nedom oppstallingsområdet og passerer tidtakar/utkvittering på tur ut. Spann som skal til og frå Folldalen/Grimsbu og som ikkje skal kvile, kvitterer inn og ut på same staden. 600-køyrarar som har kvile på oppstallinga på tur mot Folldalen, passerer ikkje tidtakar på tur ut av sjekkpunktet og må derfor gå innom for å kvittere ut føri dei køyrer frå oppstallingsområdet.

Det er muleg for køyrarar som ønskar det, å sova på flatseng på golvet i kjellaren under kaféen.

Sjekkpunktet er klargjort av Tynset Kommune og blir drivi av elevar frå Torshus Folkehøgskule, kaféen av Tynset Blandakor. Kaféen vil vera open frå midt på dagen fredag til sundag.

Driver av sjekkpunkt: Torshus Folkehøgskule

Kontaktinformasjon: Torkjel Solem (mob.nr. kommer!)

Overnattingsmuligheter i området: For køyrarar på flatseng i samfunnshuset, elles campingplass på Tynset.

Tilgjengelige butikker i området: Tynset sentrum

Nærmeste Bensinstasjoner: Tynset sentrum

Servering: Kaféen blir driven av Tynset Blandakor og er open frå middag fredag til sundagen. Du finn han inne i samfunnshuset.

Veibeskrivelse for handler og publikum: Nedkøyringa til Nedby og sjekkpunktet finn de like sør for brua over til/frå Tynset sentrum langs riksvegen.

Parkering for handlere og publikum: Handlerparkering vil vera brøytt ut ved innkøyringa til samfunnshuset. Publikum blir oppmoda om å parkere i sentrum.